#منشوركيف_اطلب_طعامي_للمنزل

هادا الموضوع بهم العالم اللي بتجي عالبيت وما بتلاقي شي تاكلو او ستات البيوت اللي حابين يريحو حالن يوم واحد مثلا من الطبخ كيف ممكن اطلب وجبة اكل عالبيت من الانترنت وانا عرفان شو اللي طالبو وقديش سعرو وبدون ما احكي مع صاحب المحل لان لغتي مو كتير منيحة :
1-طبعا الموقع المعروض هوي مو مطعم وانما جميع المطاعم الموجودة بمنطقتك واللي رح تعرفها بمجرد تكتب رمز المدينة تبعك (( مشروح بالصور))

2- اكتر شي نحنا منعاني منو بالمانيا انو بس نفوت عالمطعم ما منعرف شو بدنا نطلب ومنخجل انو نطلع بالقائمة (( الليستة)) لمدة 10 دقائق لنختار واذا كنا منعرف اكلة بهالمطعم ما عاد نغيرا ابدا 😄هي اذا ما صار 90% من العرب ياكلوها كمان 😅😅😅 بهالطريقة عالانترنت بتقعد على راحتك وبتختار شو بدك تاكل. بس الله يخليكن لا تمضوا النهار وانتو عم تختاروا 😅😅😅

3- حاول تطلب دائما من المطاعم اللي بتكون فيها خدمة التوصيل مجانا (( مشروح بالصور))

4- طبعا لازم تنتبه متل مو مشروح انو كل مطعم الو حد معين ليوصل الاكل للبيت، يعني البعض اذا 5 يورو سعر الاكل بيوصلك للبيت، وغيرو ما بيوصلك اذا كان اقل من 30 يورو مثلا (( كمان مشروح بالصور))

5- طبعا طريقة الدفع سهلة ومتنوعة اسهلها الدفع عند استلام الوجبة وممكن باي بال وممكن كردت كارت متل ماستر وغيرها

6- شغلة مهمة فيك تطلب الاكل اللي بدك ياه وتحط تاريخ استلامك والساعة اللي بدك يصل الاكل للبيت مثلا بكرا عندي دوام ورح كون بالبيت الساعة 2 الظهر فبطلب هلا مشان بس ارجع للبيت استنى الجرس يرن واكل وبعدين نام 😴😴😴

7- اغلب المطاعم اللي موجودة بهالموقع بتبيع اكلات سريعة متل فلافل falafel,بيتزا pizza, شاورما Döner,وطبعا سلطات ومشروبات. بس كمان فيه مطاعم كتيرة متل المثال اللي اخترتلكن ياه.
من مدينة برلين رمزا البريدي 10178
اخترنا مطعم اسمو مندي حلال (( mandi halal)) ورح نختار منو كمثال 3 اشخاص الاول طلب مندي دجاج 😋😋😋
المهم خلينا هلا بالمانيا التاني طلب فلافل مع صحن حمص😋
والتالت طلب دجاج ناقيت مع صحن بطاطا😋
طبعا كمثال هذا المطعم بيوصلك اذا طلبت 10 يورو على الاقل والتوصيل مجانا، والخدمة تبعو من 12 الظهر حتى 11 ليلا، والاهم من هيك حلال بس للاسف مو كل المناطق فيها حلال بس مع ذلك اغلب المطاعم فيها فلافل او بيتزا او اكلات دجاج؟ بس موضوع اللحم انتبهولو 😬

اكيد متل اكلنا وطبخاتنا ما فيه بس كتير منا بيضطر احيانا للجاهز، بتمنى كل شخص بيجرب انو يكتب المكان اللي هوا فيه وشو جرب وشو النتيجة وهيك مستفيد كلنا
ورجاء اخير نشر البوست حتى يصل لاكبر عدد من العالم.

هادا هوا الرابط احتفظوا فيه لوقت الحاجة 🤗🤗🤗

http://aklam.io/4Eef0X
http://aklam.io/4Eef0X

.

ولا تنسو تحطو لايك لصفحتنا عالفيس لنستمر في النشر وان شاء الف صحة وهنا 

منقول للفائدة