رح احكيلكم اليوم عن موضوع تغيير التأمين الصحي الحكومي واللي في بعض الأحيان رح يوفر عليكم 600 يورو سنويا!
التأمين لحظة كتابة هلمقالة بكلف 14,6% (من راتبك البروتتو brutto يعني قبل الضرائب) لكل شركات التأمين هالرقم ثابت نصفه انت بتدفعه والنصف الثاني رب عملك
إضافة لهلمبلغ في شي اسمه “الرسم الإضافي”:ZUSATZBEITRAG
هذا الرسم الإضافي بتفرضه الشركات بشكل متفاوت بين بعضها ….الشركات الفقيرة بكون اعلى والشركات المرتاحة ماديا بكون رسمها اقل...
اقل رسم اضافي هو من شركة HKK ويبلغ 0,59 %
اعلى رسم اضافي هو من شركة VIACTIV Krankenkasse ويبلغ 1,7 %
فلنفرض ان شركة تامينك تاخذ منك حاليا 1,7% ولنفرض راتبك 4350 شهريا فسيكون الرسم الاضافي 74 يورو شهريا
بينما اذا انتقلت الى شركة HKK ستدفع 26 يورو شهريا اي ان التوفير سيكون 48 يورو شهريا
اي حوالي 576 يورو سنويا !!
السؤال المطروح: هل خدمات شركات التامين الاساسية تختلف بين بعضها؟ الجواب: لا! كل الشركات يجب ان تلبي الخدمات المذكورة في القانون
Gesetzliche Pflichtleistungen
وبالتالي الجميع متساوي بالخدمات الاساسية!
الاختلاف يكون فقط ببعض الامور السطحية مثلا:العلاج النباتي وهلقصص او برامج البونوس في حال مسجل كورسات رياضة والخ …. ولكن انتبه اذا سجلت ببرنامج البونوس لازم تقرا العقد لانه احيانا بكون مكتوب بالعقد تبع البونوس انو ما عاد فيك تغير التامين لمدة سنتين …. واذا رفعو الرسم الاضافي بكون راح توفيرك علفاضي.... وعلى الرغم من هالشي فال hkk عندها كمان برامج بونوس وعندها خدمات اضافية كثيرة ...
فيلي بقلك الشركة الفلانية هي احسن شركة بكون مش عارف عن شو عم يحكي لان كلهن مثل بعضهن…. طبعا هالحكي بينطبق كله فقط على التامين الحكومي!
برأيي الشخصي الواحد كونه راتب الاطباء عالي فهالنسب المئوية محرزة وهيك يستثمر الواحد نصف ساعة وقت ويغير شركة تامينه لارخص شركة ويحط هل 600 يورو بجيبته ويروح فيهن ارلاوب او يحطهن بلبنك بحساب توفير وبعد 10 سنين بكون صار معك حوالي 6 الاف يورو بتخليهن توفير لرعايتك الصحية في حال احتجت …..
في حال قررت تغير التامين فالطريقة سهلة:
لازم تبعث كونديغونغ Kündigung لشركة تامينك وهني لازم يبعثولك تاكيد للكونديغونغ خلال اسبوعين وبعدين بتاخذ هالتاكيد وبتبعثه مع طلب الانتساب لشركة التامين الجديدة ولا تخاف ما رح تنقطع من التامين ولا يوم لان قانونيا ما بينلغى التامين القديم لمنو يبلش التامين الجديد....
في نماذج جاهزة للكونديجونغ من التامين القديم موجودة هون: دور على شركتك الحالية وعبي الطلب وابعثلهن اياه:
https://www.krankenkassen.de/krankenkasse-wechs…/kuendigung/
حاليا شركة hkk هي ارخص شركة وفيه اي واحد بالمانيا يسجل فيها ( لانه في بعض الشركات محصورة ببعض الولايات فقط) لمنك تشوف مقارنة الرسم الاضافي بين الشركات المختلفة فيك تشوفه هون:
https://www.krankenkassen.de/…/krankenkasse-…/zusatzbeitrag/
بعد متصلك تاكيد الكونديجونغ من شركة الحالية فيك تسجل بال hkk اما تروح على احد مكاتبهن بمدينتك او اونلاين على موقعهن مباشرة هون:
https://www.krankenkassen.de/…/krankenkasse-…/zusatzbeitrag/
انا نقلت سلفا على ال hkk بعد مكنت عم ادفع 1,7% بشركتي القديمة …. لا تخافو من موضوع النقل شغلة روتينية وهذا حق الكن وما اله سلبيات او تبعات …. وفيكن تنقله معه تامين عيلتكن
لاي استفسارات انا جاهز …
المقالة كتبها: د. سامر قدار بلتعاون مع مدونة دليل المعيشة في ألمانيا
http://deutschland-integration-ratgeber.blogspot.de
ملاحظات:
1- عندما تنقل إلى شركة تامين جديدة فلا يمكنك الانتقال مجددا الى شركة اخرى الا بعد مرور 18 شهر . وهنا ايضا يوجد استثناء وهو في حالة ان الشركة قامت برفع الرسم الإضافي Zusatzbeitrag (بيبعثولك بريد بيتغزلو فيه بحالهن بلاول وبعدين بقولولك رفعنا الرسم ههه) فهنا يحق لك الانتقال بشكل استثنائي هذا ما يسمى : Sonderkündigungsrecht ولا داعي للانتظار 18 شهر...
2- كما ذكرت رسوم التامين هي نسبة مئوية من راتبك ولكن هناك سقف لهذا الرسم فان تجاوز راتبك مبلغ 4350 يورو شهريا فلن يأخذو منك اكثر من مبلغ 635 يورو شهريا (النصف يدفعه رب العمل)+ الرسم الإضافي Zusatzbeitrag
3- لينكات مفيدة بهلخصوص:
معلومات عن التامين الحكومي من مدونة دليل المعيشة في المانيا:
http://deutschland-integration-ratgeber.blogspot.de/p/blog-…
معلومات عن البروتو والنيتو brutto/ netto للراتب والضرائب وين عم تروح من راتبنا:
http://deutschland-integration-ratgeber.blogspot.de/p/netto…
4-الكونديغونغ: هوي طلب الغاء العقد

منقول للفائدة

لا تنسى تشارك الموضوع لتعم الفائدة
لايك لصفحتنا ليصلك كل جديد